رسائل اعتذار للحبيب بالعاميه

امال احمد

منذ 18 أيام

رسائل اعتذار للحبيب بالعاميه تساعدكم على إنهاء الخصومة بينكم حال قد وصل بكم الأمر إلى إنهاء العلاقة، فهي من أقوى وأجمل المسجات التي يُمكن الاستعانة بها في مصالحة الحبيب، وتتميز بأسلوب الدلال الذي يُحبه الرجال في تلك الأوقات، والتي سوف نقدمها لكم من خلال موقع ايوا مصر.

رسائل اعتذار للحبيب بالعاميه

يوجد الكثير من الرسائل التي يُمكن إرسالها للحبيب وقت الخصام، والتي قد يضعف أمامها في الحال لما بها من كلمات جميلة تكسب بها الفتاة عطف حبيبها مُستغلة نقاط الضعف لديه تجاهها، وهذا ما سوف نعتمد عليه في تقديم رسائل اعتذار للحبيب بالعاميه:

حبيبي حقك عليا متزعلش مني، دا أنا بحبك ومليش غيرك، أنت السند والضهر والأمان.
حبيبي يا شمعة بتنورلي قلبي، من غيرها الحياة بهتانة وملهاش أي طعم ولا باينلها معالم، حقك عليا، مقدرش على زعلك، بحبك.
يا جارحني بسكينة تلمة، زعلك موقفني عندك على الإمة، ما تبص وترميلي كلمة.
أحلى صباح على أحلى عيون مدوباني في حبها دوب، اوعى تكون لسا زعلان مني دا أنت الحب والحنان والقلب الولهان، بحبك يا ابن الإيه.
حبيبي، آسفة نسيت إنك زعلان، اوعى تصدق إن قلبي تقلان، دا دايب فيك حنان، صالحني عشان حزنان.
اوعى تفكر سكوتي إهمال، دا أنا قلبي بيك علقان، تعالى بس وافهم الكلام، بحبك يا ابن الحلال، وبعدك عني زي الاحتلال، فُك أسري بقربك يا تقلان.
وغلاوتك عندي وما ليك عليا حلفان حياتي من غيرك فيها اختلال، رجعلي توازني وفكك من الإهمال، دا أنا بحبك وحبك في قلبي سهام.
عارفة إنك زعلان، وحياة قلبي اللي بيك ولهان ما هيعدي النهاردة غير وأنت فرحان، دا السماح والحب موجودين في الفنجان.

رسائل اعتذار للحبيب رومانسية بالعامية

الاعتذار من الحبيب في بعض الأحيان يتطلب المزيد من الرومانسية عما تكونوا عليه في اللحظات الطبيعية بينكما، حيث تُعد العامل الرئيسي الذي يخلق لكم مساحة من التفاهم بما حدث بينكما من مشكلات، وفيما يلي سنعرض لكم رسائل اعتذار للحبيب بالعاميه رومانسية، ومنها:

يا نصفي الحلو في الحياة، ياللي ربنا كتبلي بيه نصيبي الحلو من الدنيا، عارفة إني زعلتك وضايقتك، بس معلش غصب عني كنت مضغوطة، حقك عليا.
حبيبي حقك عليا اللي حصل مش هيتكرر تاني، مش هعمل كدا تاني، بس عشان خطري بلاش الزعل يطول بينا، الأيام وحشة اوي من غيرك.
أيوا يعني هتفضل زعلان كدا ولا ايه!! أنا عارفة أه إني غلطت بس خلاص بلاش أوفر يعني، بهزر معاك يا قلبي، حقك عليا متزعلش مني يومي من غيرك وحش أوي والله.
أنت عارف إني دبش صح؟ اعتبرني قولتلك كلام رومانسي وصالحتك، وعشان أبقا عملت حاجة بردو، بحبك يا سيدي، متزعلش بقا قلبك أبيض.
حبيبي أنت الروح والهوى والعشق وكل حاجة حلوة في الدنيا دي، متسبنيش أعيش لحظة واحدة من غيرك، أنت سبتني يوم بحاله وأنا مش حمل لحظة غياب عنك، بحبك، كفايا زعل عشان خطري بقا.
حبيبي أنت لو مصالحتنيش دلوقتي حالًا أنا هقوم انتحر واجبلك مصيبة، كفايا زعل بقا أنتَ وحشتني، أنت ليه قلبك قاسي كدا، ولا يعني عشان بحبك ومليش غيرك.
أنا مش عارفة أنتَ ازاي مستحمل تقعد من غيري كدا “ايموشن زعلان” دا أنا بجد هموت من غيرك “ايموشن زعلان” عشان خطري متسبنيش أكتر من كدا وحشتني أوي وكل حاجة فيك وحشتني “ايموشن صعبان عليه نفسه” حتى صوتك وضحكك وهزارك ومعايا “قلب مكسور” كفايا عشان خطري، هستنى منك مكالمة انهاردا “ايموشن بوسة” بحبك “ايموشن قلب أحمر غامق أو قلوب كثيرة”.
حبيبي، أنتَّ عارف إن روحي فيك صح؟ “ايموشن في دموع في عينه” معرفش إزاي قدرت تاخد مني روحي طول الفترة دي مش خايف أموت يعني؟ “ايموشن زعلان” طب يا رب أموت لو مكلمتنيش دلوقتي “ايموشن بيعيط” أنا آسفة والله مش هعمل حاجة تزعلك تاني خلاص بقا “ايموشن بيعيط أو 2” كفايا كدا بقا بحبك.

رسائل اعتذار قوية ومؤثرة بالعاميه

أهم ما يجب مراعاته عند إرسال رسالة اعتذار للحبيب هو أن تكون الرسالة مؤثرة لمن تعلم أن حبيبها شديد التأثر بما يُقال له، فيجب استغلال تلك الصفات الاستغلال الأمثل عند مصالحة الحبيب، إليكم يا فتياتي الجميلات أجمل رسائل اعتذار للحبيب بالعامية مؤثرة “استعدوا بإيموشنات الحزن والدموع والقلوب المكسورة، وضعوها في أماكنها الصحيحة داخل الرسائل قبل إرسالها”:

عارف، أنا مكنتش ناوية أكلمك بجد، بس أنا مليش غيرك، وبحبك، وأنت عارف دا كويس، انت لو قادر تكون قاسي عليا ف دا أنا مقدرش عليه، وللأسف على الرغم أنه يزعلني بس مش قادرة أخد موقف بسببه، حبي ليك يعدي أي زعل بينا، ورغم إنك مزعلني شوية بقولك أهو حقك عليا، بس كفايا بُعد كدا، أنا بحبك.
مش عارفة أقولك ايه بجد، أنا عارفة إني غلطت، وغلطي المرة دي كان كبير، بس أنا كلمة بابا اللي بقولهالك دي مش كلمة وخلاص، أنا فعلا بعتبرك بابايا، والأب بيتفاهم مع بنته دايمًا، صعب إن الأب ياخد قرار إنه ييبعد عن بنته خالص وميعرفش عنها حاجة، لا دا مستحيل مش صعب بس، اعتبرني بنتك زي م أنا بعتبرك بابا وحاسبني وعلمني مش تبعد عني وتسبني.
حبيبي، غلطي ميتغفرش أنا عارفة، وكبرت أوي مني المرة دي، بس أنت دايمًا بتقولي اتدلعي براحتك طلما أنا عايش اعملي كل اللي أنتِ عيزاه، أنا لو متدلعتش عليك بقا هتدلع على مين؟ قولي أنت، حقك عليا، ويا سيدي مش هتدلع عليك تاني طلما بتزعل كدا.
هتفضل سايبني كدا لحد امتى، بجد حرام عليك انا تعبت من كتر العياط والحالة اللي بقيت فيها دي من يوم م سبتني، مش عارفة أعيش طبيعي، حياتي مقفولة ومنكدة على نفسي وكل اللي حوليا، محدش بقا طايقني، أنت مفكر إن زعلك مني مش بيأثر غير عليا بس، لا حياتي بتقف بسببه، بجد مش عارفة أشوف حياتي طبيعي، أديني فرصة نتفاهم وبس وصدقني عرفت غلطي وحقك عليا مش هعمل دا تاني، وأكيد طول ما إحنا مع بعض هنتعلم.

رسائل واتس اعتذار بالعامية

أصبح الواتس آب هو الوسيلة الأسهل التي نستطيع من خلالها التعبير عما في داخلنا بأريحية وبعد تفكير طويل دون الخوف من الاضطراب عند الحديث أو أثناء الاعتذار، لذا سوف نقدم لكم مجموعة من رسائل اعتذار للحبيب بالعاميه تساعدكم على الاعتذار دون الشعور بالحرج منه، وهي:

عارفة إنك زعلان، وأنا بقولك أهو أنا مقدرش على زعلك، حقك عليا يا حبيبي، بعشقك.
حبيبي، مسبتليش فرصة أدافع عن نفسي خالص وأنت بتتكلم معايا، بس أنا مش زعلانة، حقك تضايق، وأنا حقي بردو تديني فرصة الاعتذار، آسفة، أنا بحبك ومقدرش على بعدك عني.
مفكر طبعًا عن اللي احنا فيه دا طبيعي بين أي اتنين مخطوبين أو بيحبوا بعض صح، عايزة أقولك إن إحنا مش أي اتنين، واللي كنا متفقين عليه في بداية علاقتنا كان غير كدا خالص، واتفاقنا هو اللي مخليني ابعتلك الرسالة دي دلوقتي رغم إنك عارف غني عنادية ومش بعترف بغلطي، بس أنت غير، وحبي ليك مختلف ويستاهل إني أتنازل عن جزء وحش في شخصيتي، حقك عليا “قلب” متزعلش مني.
أنا عارفة إن أحيانًا كبريائي بياخدني لحتة كدا مينفعش أوصلها معاك، بس أنا بقولك دلوقتي أهو مش بقدر استحمل نتايج الكبرياء دا معاك، عشان كدا بقولك دلوقتي أنا آسفة، وعرفت غلطي، ووعد مني مش هيتكرر تاني.

رسائل اعتذار للحبيبي قصيرة بالعامية

بعض الرجال لا يحبون المسجات الطويلة، والطريقة الأسلم لمصالحة هذا النوع هو المسجات القصيرة جدًا، ومعهم يُتبع أسلوب “خير الكلام ما قل ودل” وفيما يلي سوف نعرض لكم رسائل اعتذار للحبيبي بالعاميه قصيرة، ومنها: