بوستات جامدة فحت من فوق لتحت

امال احمد

منذ 16 أيام

بوستات جامدة فحت من فوق لتحت يحتاجها عديد الأشخاص التي ترغب في مشاركة منشورات مُثيرة الاهتمام والتي تُضفي طابعًا خاصًا لصاحب المنشورات، فهي تُشكل مزيجًا من الضحك والذكاء والأقوال الحكيمة أحيانًا، فتأتي مُختلفة المعاني ولكنها تجتمع على كونها مُثيرة وجميلة، ويُمكن بيان أشهرها عبر موقع ايوا مصر.

بوستات جامدة فحت من فوق لتحت

من شأن التنفيس عن المشاعر والمشاركة أن يُدخل السرور على قلوب المُستخدمين لوسائل التواصل، ولكن الأغلب يحتاج إلى المنشورات الجاهزة حتى لا يُرهق نفسه في عملية كتابة البوستات التي تمتاز بهذا المزيج القوي، وفي هذا الصدد يُمكننا طرح بوستات جامدة فحت من فوق لتحت فيما يلي من نقاط:

ساعات الواحد بيحتاج الشدّة عشان يعرف أصل اللي حواليه صح.
الفلوس حلوة بس الكفن مش بييجي بجيوب.
اعمل اللي أنت عايزه في الدنيا بس من غير حرام، عشان أنا وأنت وكله رايح بعد كدة.
اللي يقدرنا نحطه على راسنا، واللي ما يقدرناش نحطه تحت رجلينا.
ربنا يكفيك شرهم لو نسوا أصلهم.
أنا لما صحابي من المصلحة اكتفت، لقيت كل الصحاب اختفت.
فجأة بقيت مش مهم للي قال لك أنت أهم حاجة في حياتي.
اللي استغنى إحنا عنه أغنى يا عمنا.
جمال الست هيروح، وصحة الراجل هتروح، ومش هيتبقى غير حلاوة الروح.
اتجوزي الراجل اللي يخليكي ما تكتبيش بوستات تقرفينا بيها.
لقد استهلكت 99% من طاقتك مع أشكال عايزة الحرق.
جاري البحث عن مصيبة أعملها.
النفسية في البقدونس.
يا راجل الناس كلها بتشتكي من الجو البارد، مع إن الجو ده عمره ما اشتكى من الناس الباردة.
اوعى تتكسف تكسف حد كسفك عشان لما كسفك مكانش مكسوف يكسفك.
ما هو أنت لو واخد عني صورة وحشة استنى أجبلك برواز تبروزها.

بوستات مُضحكة بالعامية فيس بوك

في إطار عرض بوستات جامدة فحت من فوق لتحت، ولأنه يأتي الفيس بوك كأهم وسائل التواصل الاجتماعي التي يتم النشر عليها مُختلف الكتابات المُثيرة للاهتمام، فيُمكننا في هذا الصدد طرح أجمد بوستات مضحكة على الفيس بوك فيما يلي:

تعرف ليه الولد بيفتكر أحسن من البنت؟ عشان الولد ذكر فابيتذكر والبنت أنثى فبتنسى.
بيقول لك وأنا في طريقي نحو السعادة، البنزين خلص.
هي ليه كل الناس بتقع في الحب إلا أنا بقع في المشاكل بس.
لا يأس مع الحياة، بس أنت مُمكن تخلي الحياة هي اللي تيأس منك.
أنت عارف إن الموز بيقلل الاكتئاب؟ أصل أنا عُمري ما شفت قرد غير لما يكون بيتنطط من الفرحة.
إحنا أيام الشغل بننام متأخر ونروح متأخر، وأيام الإجازة بننام بدري ونصحى بدري، نفسي أعرف إحنا شاربين ايه؟
بقول لها ده بيشتغلك قالت لي وماله الشغل مش عيب.
لما حد يرد عليك في المحادثة بـ “K” طب جاي على نفسك ليه كدة ما تتف عليا أحسن.
لما عربية تقف لك عشان تعدي الشارع، أنت: أعدي بجد؟ لأ أنت أكيد عايز تموتني.
الراجل الصح هو اللي بيشخُط فمراته عشان تحضر له الطشت… أومال هيغسل المواعين ازاي؟
لما تتخانق مع والدتك وتكون محتاج فلوس لخروجة، أنت: كلموها عني من بعيد لبعيد عرفوها إني لسة بحبها.
قريت كتاب عن كيفية فهم المرأة لسة ببص على الصفحات لقيتها فاضية.
في ناس كدة لو اتخانقت معاهم تعرف إن أسرارك بكرة تبقى في جريدة الأهرام.
من حبك مابنامش الليل، بس بنام الضهر شوية عشان ببقى تعبان.
لا تحاول البحث عن أخطائي، عشان هي كتير الصراحة وأنا مش عايز أتعبك.

بوستات “ذات مومنت” للفيس بوك

من ضمن بوستات جامدة فحت من فوق لتحت أيضًا البوستات الخاصة بالمواقف والتي تكون تحت عنوان “ذات مومنت” وهي بوستات شهيرة من نوعها وموجودة منذ زمن وحتى الآن على الفيس بوك، ويُمكن بيان أجملها فيما يلي:

ذات مومنت لما يكون في ضيوف عندكم وواحد منهم يقول لك “هو في حمام هنا؟” لا يا زميلي احنا بنعملها وراء الكنبة.
لما واحد يقابلك في العيادة ويقول لك “معلش ممكن أدخل قبلك في الدور عشان عيان” اتفضل يا برنس ما أنا جاي أسلم على الدكتور وماشي.
ذات مومنت لما تبقى رفيع وحد يقول لك “أنت مش بتاكل؟” لا يا باشا عايش بالطاقة الشمسية.
لما أبوك يجيله تليفون من حد وتلاقيه بيتكلم ويسأل “أيوة ابني عمل أيه؟” بييجي في بالك كل المصايب اللي عملتها.
ذات مومنت لما تنزل بوست على الفيس وما تلاقيش ولا لايك واحد، وفجأة حد يعمل لايك على كذا بوست ليك، أنت: “بت يا نوسة.. حاجة ساقعة للأستاذ”.
قمة الذهول لما تلاقي أبوك شايفك ماسك التليفون فا يقول لك “أيه ده أنت هتتكلم في التليفون؟” لأ يابويا هسلّم على السماعة بس عشان تعبانة شوية.
لما تقول نكتة وواحد ما بتطيقهوش هو اللي يضحك عليها: “يا عم أنت حد قال لك تضحك؟”.
لما تكون بتذاكر ومش طايق المذاكرة ونفسك تقوم وتسيبها، أنت: “هو النمل بيبيض ولا بيولد؟”.
ذات مومنت لما تكون في امتحان وتقول لصاحبك “السؤال التاني” فيقول لك ماله؟ لا يا صاحبي لقيته متضايق فقلت اتطمن عليه.

بوستات نُكت بالعامية جامدة

حتى نستوفي أغلب الموضوعات المُتعلقة ببوستات جامدة فحت من فوق لتحت فيُمكننا في هذا الصدد طرح أجمل وأحلى النُكت المُضحكة جدًا والتي تناسب بوستات الفيس بوك فيما يلي:

مرة مكوجي قابل تعبان في الصحراء قعدوا ساعتين يبخوا على بعض.
خياط مشى في حتة مقطوعة قام مخيّطها.
خمس مساطيل ركبوا طيارة هيلوكوبتر حسوا بالسقعة قاموا طفوا مروحة الطيارة.
نقاش بنته تعبت شوية قام مسنفرها برا البلد.
واحد جبان وغبي كان عايز ينُط من الدور العاشر قام ناطط من الدور الخامس بس مرتين.
واحد خبطته عربية وأخد منها تعويض 100 ألف، قام واقف قدام القطر وقال بصوت عالي “خش عليا يا أبو الملايين”.
مرة جيلاتي وقعت من الطيارة قالت الحسووووووني.
مرة مُحامي فرفور كان ماسك قضية في جريمة قتل، راح قال للقاضي “هالو يا قاضي” فرد عليه قال له “هالو يا محامي” المحامي قال له “أنت شفت المتهم وهو بيقتل” القاضي قال له لأ، قام قال له خلاص يلا بينا يا متهم.
مرة واحد رفع قضية قامت واقعة عليه.
واحد حلّاق اشترى بطيخة وجه يفتحها لقاها قرعة.
واحد بيتخانق مع مراته قام قال لها “بس مش هشبهك بالحمار عشان ما يزعلش” قامت قالت له “صح يا حبيبي كله إلا زعلك”.
واحد بيقول لصاحبه “بس مش عيب مراتك تضربك بالشبشب وإحنا واقفين برضو” قام رادد عليه “بس أيه رأيك ولا مرة الشبشب جه فوشي”.
مرة واحدة كانت راكبة العربية ومعتمدة على الجي بي إس فقال لها انحرفي قليلًا قامت قالعة الطرحة.

حكم وبوستات قوية فيس بوك

نأتي هنا لشق هام في موضوعنا بوستات جامدة فحت من فوق لتحت الجانب الناضج، والذي يتسّم بنشر البوستات التي تضم حكم لأصحاب العقول الناضجة والمُتفتحة، ونوضح بعض منها فيما يلي:

لا يُمكنك أن تجد السعادة في نفس المكان الذي خسرتها فيه.
أن توجّه عيناك نحو المُستقبل بأمل، أفضل من أن تنظر إلى الماضي بشيءٍ من الندم.
حاول أن تعيش حياتك وتستمع بكامل تفاصيلها، فهي حياة واحدة لا يُمكنك تعويضها.
لا تربط حياتك بالناس إن أردت حياة سعيدة، بل اربطها بالأهداف والطموحات.
المواقف الصعبة والشدائد هي التي تبني منك شخصًا قويًا بالفعل.
يكمُن الجمال بداخلك فما تراه جميلًا في شيءٍ ما هو إلا انعكاس للجمال الكامن في روحك.
الحياة تأتي مثل ركوب الدراجات، فعليك التوازن لأجل الاستمرار في السير.
الألم مُهم للتعلّم، والخطأ مُهم للتعلّم، فلا تواجه هذه الأمور بالندم فلن يُفيدك.
لا تعامل الناس بأخلاقهم، بل بأخلاقك أنت.
عديدٌ من حالات الفشل كانت لأشخاص بقُرب خطواتٍ بسيطة من النجاح، ولكنهم لم يؤمنوا بذلك حقًا.
من يهتم بك بالضرورة يُحبك وهذا معقول، ولكن من يُحبّك ولا يهتم بك ليس معقولًا أبدًا.
حين يرحل كل شيء، تذكر أن الله معك.
لا ينبغي عليك أن تبني شخصيتك على آراء الآخرين، فمن شأن ذلك أن يجعلك متناقضًا لما ستواجهه من تناقض في آرائهم أيضًا.
آراء الناس وأهواؤهم كلها أشياء مُتغيّرة وترجع لهم في النهاية، فلا يجب أن تحكُم بها على شخصيتك أبدًا.
الحكيم يُعرف بالصمت، والجاهل يُعرف بكثرة الكلام.
أحيانًا ما يكون الصمت أسلم من الكلام غير المُجدي.

يستخدم كثيرٌ من الأشخاص وسيلة الكتابة وسائل التواصل الاجتماعي حتى يشاركوا ما بداخلهم وينفّسوا عن مشاعرهم بكافة أنواعها، وهذا ما يؤثر عليهم بالإيجاب، ولكن يجب الحذر من الجوانب السيئة من مواقع التواصل الاجتماعي وأهمها الإدمان بالطبع.